លោក អភិបាលក្រុងបានបន្តផ្តាំផ្ញើដល់អាណាព្យាបាលដែលមានកូនពេញវ័យត្រូវតាមដានកូនរបស់ខ្លួនអប់រំណែនាំកុំអោយកូនខ្លួនដើរយប់អាធ្រាត្រជ្រុលខ្លួនសេពគប់មិត្តមិនល្អនិងប្រើប្រាស់គ្រឿងញៀនជាដើម។ លោក ឈូក កុម៉ល់ អធិការនគរបាលក្រុងក៏បានលើកឡើងផងដែរថាកម្លាំងនគរបាលនិងកងរាជអាវុធហត្ថឃាត់ដល់យុវជនយុវតីគឺដើម្បីរៀបចំសណ្តាប់ធ្នាប់ក្រុង។ ក្រោយពីក្រុមក្មេងៗធ្វើសកម្មភាពផ្សេងៗបង្កអសន្តិសុខបំផ្លាញទ្រព្យសម្បត្តិសារធារណៈ។ ក្រោយពីអប់រំណែនាំរួចសមត្ថកិច្ចនិងអនុញ្ញាតអោយអាណាព្យាបាលនាំកូនខ្លួនយកទៅវិញ។ តំណាងយុវជនទាំងនោះបានសន្យាថានិងឈប់ប្រព្រឹត្តកំហុសដើរផ្លូវខុសទៀតហើយ។ហើយនិងយកពេលវេលាទំនេរជួយដល់ការងារឳពុកម្តាយ ខិតខំសិក្សាអោយក្លាយជាយុវជនគំរូទំពាំងស្នងឬស្សីជួយដល់សង្គម។
ជាចុងក្រោយ មន្រ្តីកងរាជអាវុធហត្ថខេត្តបានបញ្ជាក់ថាសមត្ថកិច្ចបានឃាត់យុវជនចំនួន៧០នាក់មានស្រី៣នាក់និងម៉ូតូចំនួន៤០គ្រឿង។ នៅក្នុងចំណោម៧០នាក់មាន៧នាក់មានសារធាតុញៀនក្នុងខ្លួន។
