ហេតុការណ៍នេះ បានកើតឡើងកាលពីវេលាម៉ោង៩ និង១០នាទីព្រឹកថ្ងៃចន្ទ១៤រោច ខែជេស្ឋ ឆ្នាំកុរ ព.ស២៥៦៣ ត្រូវនិងថ្ងៃទី០១ ខែកក្កដា ឆ្នាំ២០១៩ នៅចំណុចផ្លូវជាតិលេខ៥៧ ខាងលិចផ្លូវចូលវិទ្យាល័យ ហ៊ុន សែន ក្រុងទេពនិម្មិតប៉ៃលិន ស្ថិតក្នុងភូមិអូរពឺត សង្កាត់ទួលល្វា ក្រុងប៉ៃលិន ។ប្រភពព័ត៍មានបានឱ្យដឹងថា អ្នកបើកបរម៉ូតូមាន ឈ្មោះ សុខ ពិសិទ្ធ ភេទប្រុស អាយុ១៨ឆ្នាំ ជាសិស្ស រស់នៅភូមិអូរពឺត សង្កាត់ទួលល្វា ក្រុងប៉ៃលិន ខេត្តប៉ៃលិន (រងរបួសស្រាល) ដោយបើកបរម៉ូតូម៉ាកឌ្រីមពណ៌ខ្មៅ ពាក់ស្លាកលេខ បាត់ដំបង 1M 6690 ឆ្នាំ២០១២ ខូចខាត់យ៉ាងដំណំ ។
អ្នករួមដំណើរទី១.ឈ្មោះ ផុន ទិត្យមករា ភេទប្រុស អយុ១២ឆ្នាំ ជាសិស្ស រស់នៅភូមិអូរពឺត សង្កាត់ទួលល្វា ក្រុងប៉ៃលិន (រងរបួសស្រាល ) អ្នករួមដំណើរទី២. ឈ្មោះ ផុន សុភ័ក្រ ភេទប្រុស អាយុ១២ឆ្នាំ ជាសិស្ស រស់នៅភូមិអូរពឺត សង្កាត់ទួលល្វា ក្រុងប៉ៃលិន ខេត្តប៉ៃលិនរងរបួសស្រាល។ចំណែកអ្នកបើកបរម៉ូតូភាគីម្ខាងទៀតឈ្មោះញឹម សីហា អាយុ ១៧ឆ្នាំ ភេទប្រុស មុខរបរ ជាកម្មករ រស់នៅភូមិ ចំការកាហ្វេ សង្កាត់ទួលល្វា ក្រុងប៉ៃលិន រងរបួសធ្ងន់ដោយបើកបរម៉ូតូម៉ាកScoopy ពណ៌ស ពាក់ស្លាកលេខ 1B-0955 (ខូចខាតធ្ងន់)។ ប្រភពបន្តទៀតថាមូលហេតុគឺបណ្តាលមកពីកត្តាមនុស្សបើកបរមិនគោរពសិទ្ធិអទិភាព និងល្បឿនលឿន ។
បច្ចុប្បន្នជនរងគ្រោះកំពុងសម្រាកព្យាបាលនៅមន្ទីរពេទ្យបង្អែកខេត្ត រីឯម៉ូតូទាំង២គ្រឿង ត្រូវនគរបាលយកទៅរក្សាទុកនៅការិយាល័យចរាចររង់ចាំដោះស្រាយ ៕
