តាមប្រភពព័ត៌មានពីសម្ថកិច្ចម្នាក់បានប្រាប់ឱ្យដឹងថា បុរសរងគ្រោះមានឈ្មោះ ហួយ ផល្លី អាយុ ៣៥ឆ្នាំ មុខរបរ បកប្រែចិន ស្នាក់នៅផ្ទះជួលក្នុងសង្កាត់ដង្កោរ ខណ្ឌដង្កោរ ម្តុំចំការដូង និង មានស្រុកកំណើតនៅស្រុកត្រាំកក់ ខេត្ត
តាកែវ មានប្រពន្ធ និង កូនប្រុសម្នាក់។មុនពេលកើតហេតុ គេបានប្រទះឃើញបុរសជាអ្នកបកប្រែចិនម្នាក់ខាងលើ ដោយមានស្នាមរងរបួសត្រង់ក្បាលនិងមានឈាមហូរពេញខ្លួនប្រាណ បានយកជណ្តើរឈើមួយឡើង ទៅចងករ សម្លាប់ខ្លួនឯងនៅខាងក្នុងកន្លែងធ្វើការរបស់ខ្លួនទើបបង្ករអោយមានការភ្ញាក់ផ្អើលកើតឡើងតែម្តង។ភ្លាមនោះបុគ្គលិករបស់ក្រុមហ៊ុន SUNWA ខាងលើក៏បានរាយការណ៍ទៅប្រាប់កម្លាំងមានសម្ថកិច្ចមូលដ្ឋានអោយបានដឹងពីរឿង នេះ ហើយកម្លាំងមានកិច្ចក៏បានចុះមកដល់កន្លែងកើតហេតុ ដើមបីធ្វើការត្រួតពិនិត្យនិងកោសល្យ វិច្ច័យទៅ លើសាកសពបានឃើញថា <<បុរសរងគ្រោះពិតជាស្លាប់ ដោយសារតែចងកសម្លាប់ខ្លួនឯងពិតប្រាកដមែន>>។ក្នុង
ពេលនោះដែរគេក៏បានឃើញមានស្រ្តីជាប្រពន្ធ និង ក្រុមគ្រួសាររបស់បុរសរងគ្រោះបានមកដល់កន្លែងកើតហេតុខាងលើផងដែរ តែដោយសារតែបានឃើញសភាពសាកសពស្លាប់ដោយមិនសមហេតុផល ក៏បានសុំអោយ ខាងកម្លាំងមានសម្ថកិច្ចធ្វើការត្រួតពិនិត្យអោយបានល្អិតល្អន់ម្តងទៀតផងដែរ។ដោយសារតែជនរងគ្រោះមានស្នារងរបួសត្រង់ក្បាលហូរឈាម និងមយ់ាងទៀតសង្ស័យថា ជាករណីវាយសម្លាប់ទើបយកសាកសពទៅធ្វើជាចងក សម្លាប់ខ្លួនបំភាន់ភ្នែកនោះ។ក្នុងពេលនោះដែរ កម្លាំងមានសម្ថកិច្ចក៏បានបបញ្ជាក់ទៀតថា មុនពេលកើតហេតុ បុរសរងគ្រោះបានឡើងទៅចង កម្តងរួចទៅហើយដើយដាច់ខ្សែរធ្លាក់ ទើបបណ្តាលអោយរងរបួសបែក ក្បាល ហូរឈាម ទើបបានឡើងទៅចង កម្តងទៀតបណ្តាលអោយស្លាប់បាត់បង់ជីវិតបែបនេះតែម្តងទៅ។
ក្រោយពីការចុះមកធ្វើការត្រួតពិនិត្យអំពីសំណាក់កម្លាំងនគរបាលជំនាញឃើញថា បុរសរងគ្រោះពិតជា ស្លាប់ បាត់បង់ជីវិត ដោយសារតែចងងកធ្វើអត្តឃាតសម្លាប់ខ្លួនឯងនោះ ទើបបានប្រគល់សាកសពអោយទៅក្រុម គ្រួសារយកទៅធ្វើបុណ្យទៅតាមប្រពៃណីនៅឯស្រុកកំណើត។
