About Me

header ads

យុវជនម្នាក់ បានសម្រេចចិត្តធ្វើអត្តឃាតដោយចងកសម្លាប់ខ្លួន

កំពង់ឆ្នាំង៖ យុវជនម្នាក់ បានសម្រេចចិត្តធ្វើអត្តឃាតដោយចងកសម្លាប់ខ្លួន បើទោះជាគេ មិនបានដឹងពីមូលហេតុ ហើយបានចងកសម្លាប់ខ្លួន  មិនដឹងតាំងពីពេលណាមកឡើយ ត្រូវបានម្ដាយប្រទះឃើញនៅវេលាម៉ោង១២និង២៥នាទីថ្ងៃទី៦ ខែវិច្ឆិកា ឆ្នាំ២០១៩នេះ នៅ ចំណុចទួលអ្នកតាយុង ដែលមានចម្ងាយពីផ្ទះប្រមាណជាង ១ គីឡូម៉ែត្រ ស្ថិតក្នុងភូមិ ត្រពាំងអំពិល  ឃុំប្រស្និប  ស្រុករលាប្អៀរ ខេត្តកំពង់ឆ្នាំង។

ជនរងគ្រោះ ត្រូវបានសមត្ថកិច្ចអោយដឹងថាមានឈ្មោះ ឈឿន វិបុល អាយុ២៨ឆ្នាំ មាន ទីលំនៅក្នុងភូមិឃុំស្រុកកើតហេតុខាងលើ។

បើតាមម្ដាយជនរងគ្រោះបានប្រាប់សមត្ថកិច្ចឲ្យដឹងថាកាលពីរថ្ងៃ មុនពេលកើតហេតុជនរង គ្រោះ តែងតែបានពោលប្រាប់គាត់ជាម្ដាយថារូបគេហាក់បីដូច ជាមានអាការមិនសូវស្រួល ដោយចេះតែឃើញមានគេដេញចាប់ ដេញវាយ ដេញចង។ រហូតថ្ងៃទី៥ខែវិច្ឆិកាឆ្នាំ ២០១៩ ម្សិលមិញវេលាម៉ោង ៩និង០០ព្រឹក ជនរងគ្រោះ ក៏បានដឹក គោយកទៅចងឲ្យស៊ីស្មៅនៅ ក្បាលស្រែខាងក្រោយភូមិចម្ងាយប្រហែលជា១ គីឡូម៉ែត្រពីផ្ទះ ហើយក៏បាត់មិនឃើញមក ផ្ទះតាំងពីព្រឹករហូតយប់  ក្រុមគ្រួសាររាំនិងប្រជាពលរដ្ឋក្នុងភូមិ ក៏បាននាំគ្នាដើររកទាំងយប់ ផងដែរ តែមិនប្រទះឃើញនោះឡើ យ។
លុះព្រឹកថ្ងៃទី ៦ ខែវិច្ឆិកាឆ្នាំ ២០១៩នេះ ក្រុមគ្រួសាររួមនិងអ្នកភូមិ ក៏បានដើររកម្ដងទៀត នៅគ្រប់ទីកន្លែងតែក៏នៅតែរកមិនឃើញដដែល ។

លុះនៅវេលាម៉ោង១២និង២៥នាទីថ្ងៃដដែល ទើបម្ដាយរបស់ជនរងគ្រោះ ក៏បានប្រទះ ឃើញជនរងគ្រោះយកខ្សែគោ ចងកនិងដើមឈើស្លាប់បាត់ទៅហើយ។ ភ្លាមៗនោះ ក៍បាន កើតការឆោឡោភ្ញាក់ផ្អើលដល់អ្នកស្រុកនាំគ្នាទៅមើលនិងខ្លះទៀត បានរាយការណ៍ជូន សមត្ថកិច្ច បន្ទាប់មក សពជនរងគ្រោះ ត្រូវបានសមត្ថកិច្ចមូលដ្ឋាន បានធ្វើកោសល្យ វិច័យទៅតាមបច្ចេកទេសរបស់មន្ត្រីជំនាញរួចហើយសមត្ថកិច្ចបានកំណត់ថា ជនរងគ្រោះ គឺពិតជាបានចងកសម្លាប់ខ្លួនដោយខ្លួនឯងពិតប្រាកដមែន និងបានប្រគល់សពជនរង គ្រោះជូនទៅក្រុមគ្រួសារយកទៅចាត់ចែងទុកដាក់តាមប្រពៃណីផងដែរ៕