About Me

header ads

បុរសពីរនាក់ទាស់សម្តីគ្នា មួយចូលមណ្ឌលសុខភាពស្ទឹងហាវ មួយដេកពេទ្យចំការចេក ក្រុងព្រះសីហនុ

ព្រះសីហនុ៖ នៅវេលាម៉ោង15និង30នាទីថ្ងៃទី3ខែតុលាឆ្នាំ2019 មានករណីហិង្សាមួយកើតឡើងនៅចំណុចក្រុម1ភូមិ 1ឃុំកំពេញស្រុកស្ទឹងហាវ ខេត្តព្រះសីហនុ បង្កឡើងដោយឈ្មោះ ញៀន នឿន ភេទប្រុស អាយុ38 មុខរបរកម្មករនេសាទ មានស្រុកកំណើត ភូមិ ឫស្សីជួឃុំកន្ថោខាងកើត ស្រុកកំពង់ត្រាច ខេត្តកំពត ស្នាក់នៅភូមិ4 ឃុំទំនប់រលក ស្រុកស្ទឹងហាវ ខេត្តព្រះសីហនុ បានឈ្លោះប្រកែកគ្នា រួចយកកាំបិតចិតបន្លែ ចាក់ទៅលើ ឈ្មោះ វិត វី ភេទប្រុសអាយុ36ឆ្នាំ មុខរបរ កម្មករនេសាទ មានស្រុកកំណើតភូមិច្រេះ    ឃុំច្រេះ ស្រុក ជុំគិរី ខេត្តកំពត ស្នាក់នៅ ភូមិ 4 ឃុំទំនប់រលក ស្រុកស្ទឹងហាវ ខេត្ត ព្រះសីហនុ( របួសត្រង់ស្មាខាងឆ្វេង) រួច ឈ្មោះវិត វី បានចាប់ឈ្មោះញៀន នឿន បោកនិងថ្មបេតុងសាបមុខផែបណ្ដាលឱ្យ បែកក្បាលខាងស្ដាំ។

បច្ចុប្បន្ន ជនបង្កនិងជនរងគ្រោះ ត្រូវបានបញ្ជូនទៅមណ្ឌលសុខភាព ស្រុកស្ទឹងហាវ ចំណែកជនបង្ក បានបន្តទៅមន្ទីពេទ្យបង្អែកខេត្តព្រះសីហនុ ដើម្បីសង្គ្រោះបន្ទាន់ រីឯវត្ថុតាង កូនកាំបិត ត្រូវបានយកមករក្សាទុកនៅអធិការដ្ឋាននគរបាលស្រុកស្ទឹងហាវ ខេត្តព្រះសីហនុ ធ្វើការដោះ ស្រាយតាមនិតិវិធីនៅពេលក្រោយ ៕